[LB]

Sécherheetsmanagement - Sécherheet op der Aarbecht a fir d'Ëmwelt

En intelligent Sécherheetskonzept suergt derfir, datt keng Gefor fir Mënsch oder Ëmwelt besteet. Am Hierscht 2003 gouf de SuperDrecksKëscht®-Zenter moderniséiert a sécherheetstechnesch op den allerneiste Stand bruecht.

D’Sécherheet vu Mënsch an Ëmwelt gëtt duerch verschidde Moossname garantéiert: d’Filtratioun vun der Loft duerch Aktivkuelefilteren, Miessungen vun der Loft am Raum a vun der verbrauchter Loft, regelméisseg Schoulung vun de Mataarbechter, adequat Schutzkleeder, Protektiounsgezei, Brëller, Sécherheetshändschen. D’Zortéiere vu Chemikalien, Laugen, Saieren, Léisungsmëttelen a Pestiziden gëtt nëmmen a speziellen Aarbechstraim mat kontrolléierter Atmosphär duerchgefouert.

D’Regaler am Depôt vun de Geforematièren hunn héchst Sécherheetsstandarden ( Regaler mat Opfänkbasengen a Sensoren fir d’Fuiten ze detektéieren), an deene d’Matièren no dem Geforepotenzial an de chemesche Charaketistike gelagert sinn. Eng Fuite oder d’Bildung vu brennbarem Dampgemësch gëtt direkt ugewisen datt a kierzester Zäit reagéiert ka ginn.

Automatesch Branddetektiounsanlagen an e sophistikéiert System vu Läschwaasserretentioun suergen derfir, datt och am Noutfall d’Gefore fir Ëmwelt a Grondwaasser esou kleng wéi méiglech bleiwen. D’SuperDrecksKëscht®-Zenter gëtt 24 Stonnen am Dag mat techneschen Hëllefsmëttelen, wéi Bewegungsmelder a Kameraen, an och duerch regelméisseg Kontrollgäng iwwerwaacht. Et besteet eng enk Zesummenaarbecht mat dem Ëmweltministär, der Inspektion du Travail an de lokale Pompjeeën.

Emwelt.lu Chambre des Métiers Chambre de Commerce

SDK green *Label-Priméiert RAL TÜV Entreprise Socialement Responsable EU Commission